1. Political party leh candidate te tan campaign neih phal a ni tawh lo.

2. Dampa Constituency pawn atanga campaign tur a lokal, Dampa Constituency-a vote nei si lo te chuan constituency an chhuahsan tawh tur a ni.

3. Aurinna (loudspeaker) hman phal a ni tawh lova, District Magistrate in khapna thupek Sec. 163 of BNSS, 2023 hmanga a chhuah chu zawm vek tur a ni.

4. Sec. 126 (1) (b) of the Representation of the People Act, 1951 in a sawi angin Electronic Media / Social Media leh a tlukpui dangte ah Election kaihhnawih, mipui rilru sukthlek tidanglam thei thil te tarlan / chhuah phal a ni lo. Dan zawmlo te chu kum hnih thleng lungin tan emaw, pawisa chawi emaw, pawi chawi leh lungin tang tura hrem theih an ni ang.

5. Inthlan ni (11.11.2025) leh a hma ni (10.11.2025)-a print media a political  advertisement chhuah tur te chuan MCMC (Media Certification & Monitoring Committee) te phalna an la tur a ni.

6. Candidate emaw Party tin te'n chi leh chi, sakhuana, hnam leh hnam, etc. inkar boruak tichhe thei lam hawiin engmah tih loh tur a ni.

7.  Political Party dangte sawiselna neih anih pawhin, Party Policies, tunhma hun a an hnathawh dan (past record and work) lam hawi chauh tih tur a ni. Midang mimal nun ti bawrhbang leh ti mualpho zawngin statement siam emaw mimal thil (Personal life) chungchangah inchirhtheh zawnga thil tih loh tur a ni.

8. Vote hmuh theihna turin communal feeling (chi leh chi inkar boruak) ti chhuak zawngin engmah tih loh tur a ni. Biakin, Mosques, Temple leh Pathian Biakna hmun dangte election propaganda atan hman loh tur a ni.

9. Hemi hun chhung hian Flying Squad, Static Surveillance Team, etc. te'n dan bawhchhiatna a awm leh awm loh an fan kual reng dawn bakah Media Certification & Monitoring Committee (MCMC) te'n Media leh Social Media te pawh ngun takin an vil reng bawk ang.